Augeblick

Philipps neuster Song schwirrt ihm schon seit ca. 15 Jahren im Kopf umher. Vor zwei Tagen hat er ihn endlich aufgeschrieben, vor einem Tag hat er die Musik dazu gefunden… und fertig ist er, gesungen von Giorgio Blue, gemischt von McSidi.

Augeblick

I suech Di a de Bar, i suech Di a de Sihl
I suech Di i de Stadt, i sueche Di am Berg
I suech Di uf de Wiese, im Lade und bim Konzert

Niemert weiss, wo Du bisch
Niemert weiss, ob Du chunsch
Niemert weiss, obs Dich gitt

I minnere Fantasie bisch Du scho cho
Mini Träum sind realer als d’Gägewart
Dä Steve Lee singt vom Himmel

Zwei Persone imene dunkle Ruum
S’Liecht vom Verstärker lüüchtet wie en Funke
Auge sind gschlosse, ei Hand am Nacke

Letscht Nacht han ich sie a de Bar troffe
D’Vorgruppe het über d’Liebi gsunge
D’Band uf de Bühne isch nüme wichtig gsii

Sie isch d Hauptgruppe vom Aabig gsii
Sie, wo näbet mier gstande isch
Und doch isch de Augeblick nie cho

Niemert weiss, wo Du bisch
Niemert weiss, ob Du chunsch
Niemert weiss, obs Dich gitt

I suech Di a de Bar, i suech Di a de Sihl
I suech Di i de Stadt, i sueche Di am Berg
I suech Di uf de Wiese, im Lade und Konzert