Just another song...
Ich vermissä Diis Lache, und d’Grüebli wos debii git
Ich vermissäs, Dir zuezluege wiä Du a dä Chuchi lähnsch
Und än Espresso trinksch
Ich vermissäs, mit Dir dur dä Wald z’laufä
Ich vermissäs, mit Dir i de Wisä z’ligä
Ich vermissäs, mit Dir im Räge z’stah
Ich vermissäs, mit Dir z’lache
Ich vermissäs, mit Dir z’lätsche
Ich vermissäs, mit Dir z’träume
Ich vermissäs, i Diini Auge z’luege – und z’wüsse
Ich vermissä Diini Finger i miinä Haar
Ich vermissä Diini Zärtlichkeit
Ich vermissä das Gfühl im Buuch, churz vor äm Kuss
Ich vermissäs, wiä mini Haar i Diim Bart hangä bliibed
Ich vermissäs, im Bett z’ligä und Dich im Garte schwätze z’ghöre
Ich vermissäs, Dir bim Rasämäiä zuezluege
Ich vermissä dä Momänt, wänn Du d’Gitarre in Arm nimmsch
Ich vermissä Diini Songs
Ich vermissä eusi Gspröch
Ich vermissä Dini Umarmig
Hey, ich vermissä Dich – Du häsch kei Ahnig
Heb mi fescht – und hilf mir, Dich gah z’lah
Keine Kommentare:
Kommentar veröffentlichen